Leyla Vazehi 08.08.1990-cu ildə Azərbaycan Bakı şəhərində anadan olub. 2008 ci ildə Azərbaycan Dövlət Rəssamlıq Akademiyasının “Memarlıq Dizayn“ fakültəsinin “Xalçaçı rəssam“ ixtisasının bakalavr pilləsinə qəbul olub. 2012 ci ildə magistir pilləsinin “Dekorativ tətbiqi incəsənət əsərlərinin bərpası və ekspertizası“ fakültəsinə daxil olub. Həm bakalavr həmdə magistr dərəcəsini iki Qırmızı Fərqlənmə diplomlu ilə bitirib.

2010 cu ildən "Azərbaycan Xalçaçıları İctimai Birliyinin" üzvüdür. "Azərbaycan Xalçaçıları İctimai Birliyi" UNESCO-da təmsil olunan yeganə qeyri-hökumət təşkilatıdır. Leyla peşəkar xalça sənətkarıdır. Şərq üslubunda illüstrasiya miniatür xalçaları çəkir.

2013 cü ildə Azərbaycan Rəssamlar İttifaqının üzvüdür və bir çox sərgidə iştirak etmişdir

2020-ci ildə Azərbaycan Akvarelistlər Cəmiyyəti  "Azerbaijan İWS"-ə üzv qəbul edilmişdir. Leyla miniatür və xalça eskizləri ilə yanaşı peşəkar yanaşma ilə sulu boyanı özünə məxsus şəkildə istifadə etməklə ölkəmizi dəfərlə beynəlxalq sərgilərdə təmsil edir (Norveç, Amerika, Türkiyyə, Avstriya, Banqladeş, Hindistan, Pakistan, Rusiya, Koreya, İndoneziya, Venesuella, Arqentina).

Sulu boya ilə natürmort, qida sənəti və peyzaj, marina resmlərində ixtisaslaşmış peşəkar bir sənətkardır. Hal hazırda əl işləri Amerika, Almaniya, Turkiyə, İsveçrə və Norveçdə şəxsi kolleksiyalarda yer alıblar.